ब्रह्मसूत्रभाष्यम्/C03/S03/A069

विद्याधिकरणम्

ॐ विद्यैव तु निर्धारणात् ॐ ॥ 48-413 ॥

न च’कर्मण्यैव हि संसिद्धिमास्थिता जनकादयः’ इत्यादिनाऽन्यन्मोक्षसाधनम् ।

‘तमेवं विदित्वाऽतिमृत्युमेति नान्यः पन्था विद्यते अयनाय’ इति निर्धारणाद्विद्ययैव मोक्षः ॥ 48 ॥

ॐ दर्शनाच्च ॐ ॥ 49-414 ॥

न केवलं विद्यया किन्त्वपरोक्षज्ञानेनैव च।

सर्वान् परो माययाऽयं सिनीते दृष्ट्वैव तं मुच्यते नापरेण’ इति कौशिकश्रुतेः ॥ 49 ॥