Bhagavatatatparyanirnaya/C10/S15

पञ्चदशोऽध्यायः

अत्र प्रविश्य गरुडो यदि मत्स्यान् स खादति ।सद्यः प्राणैर्वियुज्येत सत्यमेतद् ब्रवीम्यहम् ॥ ११ ॥

तत् कालियः परं वेद नान्यः कश्चित् स लेलिहा ।अवात्सीद् गरुडाद् भीतः कृष्णेन च विवासितः ॥ १२ ॥

॥ इति श्रीमदानन्दतीर्थभगवत्पादाचार्यविरचिते श्रीभागवततात्पर्यनिर्णये दशमस्कन्धे पञ्चदशोऽध्यायः ॥

'विष्णुना विष्णुभक्तैश्च ब्रह्मशापोऽनुवर्त्यते ।

ब्राह्मणानामपीडायै बलिभिः क्षत्रियादिभिः ॥ विष्णोश्च विष्णुभक्तानां शापाद् व्यैति तपोऽखिलम् । तथापि चासुरावेशाच्छपेयुर्हरिमप्यहो ॥ अतस्तु सौभरेः शापं नात्यवर्तत्खगेश्वरः । अन्यथा तूत्तमानां हि नाधमैः शाप इष्यते ॥ वरोऽपि दत्तस्त्वधिकैर्नाधमाधिक्यकारणम् । विष्णोरपि वरस्तस्मान्नाधिक्यं सम्प्रयच्छति ॥ क्रमशः श्रीविरिञ्चादेः कथञ्चित्केनचित्क्वचित् ॥

न च दद्याद्धरिस्तादृग्दद्याद्वा बाह्यमेव तु॥ इति ब्रह्माण्डे ॥ ११ ॥