Bhagavatatatparyanirnaya/C4/S6

आक्रम्योरसि दक्षस्य शितधारेण हेतिना ।छिन्दन्नपि तदुद्धर्तुं नाशक्नोत् त्र्यम्बकस्तदा ॥ २२ ॥

शस्त्रैरस्त्रान्वितैरेनमनिर्भिण्णत्वचं हरः ।विस्मयं परमापन्नो दध्यौ पशुपतिश्चिरम् ॥ २३ ॥

दृष्ट्वा सञ्ज्ञपने योगं पशूनां स पतिर्मखे ।यजमानपशोः कस्य कायात् तेनाहरच्छिरः ॥ २४ ॥

जुहावैतच्छिरस्तस्मिन् दक्षिणाग्नावमर्षितः ।तद् देवयजनं दग्ध्वा प्रातिष्ठद् गुह्यकालयम् ॥ २६ ॥

॥ इति श्रीमदानन्दतीर्थभगवत्पादाचार्यविरचिते श्रीभागवततात्पर्यनिर्णये चतुर्थस्कन्धे षष्ठोऽध्यायः ॥

'वीरभद्राख्यरूपेण स्वेन पूर्वं ययौ हरः ।मूलरूपेण पश्चात्तु गत्वा दक्षमथावधीत् ॥तत्रोपेन्द्रेण हरिणा जितो धर्मात्मजेन च ।अन्यान् जिगाय प्रययौ कैलासं स्वं निकेतनम्॥ इति ब्राह्मे ॥२६॥