Bhagavatatatparyanirnaya/C10/S82

द्व्यशीतितमोऽध्यायः

श्रुत्वाऽजितं जरासन्धं नृपतेर्ध्यायतो हरिः ।आहोपायं तमेवाद्य उद्धवो यमुवाच ह ॥ १५ ॥

॥ इति श्रीमदानन्दतीर्थभगवत्पादाचार्यविरचिते श्रीभागवततात्पर्यनिर्णये दशमस्कन्धे द्व्यशीतितमोऽध्यायः ॥

अजितं जरासन्धं भगवत एव श्रुत्वा । तथा हि सभापर्वणि पश्चा-द्दिग्विजयोक्तेः ।

'पूर्वाः कथाः परं ब्रूयुः पराः पूर्वं तथैैव च ॥ मोहनार्थाय दुष्टानां सर्वं व्यत्यासयिष्यते । विस्तारे तु यदुक्तं स्यात्तद्ग्राह्यमविरोधतः । संक्षेपोक्तविरोधे तु गुणोक्तिश्च सतां यथा॥ इति शब्दनिर्णये ॥ 'जरासन्धं निहत्यैव पाण्डवैस्तु दिशो जिताः ।

प्रसादाद्वासुदेवस्य राजसूयः क्रतुः कृतः॥ इति मात्स्ये ॥ १५ ॥