Bhagavatatatparyanirnaya/C9/S14
चतुर्दशोऽध्यायः
वरेण छन्दयामास प्रीतः सत्यवतीसुतः ।वव्रे हतानां रामोऽपि जीवितं चास्मृतिं वधे ॥ ७ ॥
ततश्चावभृथस्नानविधूताशेषकिल्बिषः ।सरस्वत्यां ब्रह्मनद्यां रेजे व्यभ्र इवांशुमान् ॥ २३ ॥'जामदग्न्यो वरं वव्रेऽनन्तशक्तिरपि स्वयम् ।पितुर्मान्यत्वसिध्यर्थं लोके लोकेश्वरः प्रभुः ॥अपापमपि देवेशं पितरः संन्यवर्तयन् ।अजानन्तोऽस्य माहात्म्यं मोहितास्तस्य मायया ॥मोहयन्मायया लोकं चक्रे चापचितिं वधे ।पुण्यपापादिनिर्मातुः कुतः पापादिसङ्गतिः॥ इति च ॥ ७,२३ ॥