Bhagavatatatparyanirnaya/C3/S31

एवं स्वभरणाकल्पं तत्कलत्रादयस्तदा ।नाद्रियन्ते यथापूर्वं कीनाश इव गोजरम् ॥ १३ ॥

कीनाशः कर्षको मतः ॥ १३ ॥

वायुनोत्क्रमतोत्तारकफसंरुद्धनासिकः ।कासश्वासकृतायासः कण्ठो घुरुघुरायते ॥ १६ ॥

उत्तारमुद्गतिं विन्द्यात् ॥ १६ ॥

योजनानां सहस्राणि नवतिर्नव चाध्वनः ।त्रिभिर्मुहूर्तैर्द्वाभ्यां वा नीतः प्राप्नोति यातनाम् ॥ २४ ॥

'त्रिभिर्मुहूर्तैर्द्वाभ्यां वा दिनैर्दशभिरेव वा ।पक्षान्मासेन वा याति यमलोकमितो गतः॥ इति नारदीये ॥२४॥

अत्रैव नरकः स्वर्ग इति मातः प्रचक्षते ।या यातना वै नारक्यस्ता इहाप्युपलक्षिताः ॥ २९ ॥

॥ इति श्रीमदानन्दतीर्थभगवत्पादाचार्यविरचिते श्रीभागवततात्पर्यनिर्णये तृतीयस्कन्धे एकत्रिंशोऽध्यायः ॥

अत्रैवेत्येवशब्दः सामीप्यार्थे ।'सामीप्ये च प्रधाने च एवशब्दोऽवधारणे। इति शब्दनिर्णये ।अत्राप्यस्तीत्यर्थः ॥ २९ ॥