ब्रह्मसूत्रभाष्यम्/C01/S04

प्रथमाध्याये चतुर्थ पादः

अनुमानिकाधिकरणम्

ॐ आनुमानिकमप्येकेषामिति चेन्न शरीररूपकविन्यस्तगृहीतेर्दशर्यति च ॐ ॥ 01-107 ॥

ॐ सूक्ष्मं तु तदर्हत्वात् ॐ ॥ 02-108 ॥

ॐ तदधीनत्वादर्थवत् ॐ ॥ 03-109 ॥

ॐ ज्ञेयत्वावचनाच्च ॐ ॥ 04-110 ॥

ॐ वदतीती चेन्न प्राज्ञो हि ॐ ॥ 05-111 ॥

ॐ प्रकरणात् ॐ ॥ 06-112 ॥

ॐ त्रयाणामेव चैवमुपन्यासः प्रश्नश्च ॐ ॥ 07-113 ॥

ॐ महद्वच्च ॐ ॥ 08-114 ॥

ॐ चमसवदविशेषात् ॐ ॥ 09-115 ॥

ज्योतिरुपक्रमाधिकरणम्

ॐ ज्योतिरुपक्रमात् तु तथा ह्यधीयत एके ॐ॥ 10-116 ॥

ॐ कल्पनोपदेशाच्च मध्वादिवदविरोधः ॐ ॥ 11-117 ॥

नसङ्ख्योपसङ्ग्रहाधिकरणम्

ॐ न सङ्ख्योपसङ्ग्रहादपि नानाभावादतिरेकाच्च ॐ॥ 12-118 ॥

ॐ प्राणादयो वाक्यशेषात् ॐ ॥ 13-119 ॥

ॐ ज्योतिषैकेषामसत्यन्ने ॐ ॥ 14-120 ॥

आकाशाधिकरणम्

ॐ कारणत्वेन चाकाशादिषु यथाव्यपदिष्टोक्तेः ॐ ॥ 15-121 ॥

समाकर्षाधिकरणम्

ॐ समाकर्षात् ॐ ॥ 16-122 ॥

ॐ जगद्वाचित्वात् ॐ ॥ 17-123 ॥

ॐ जीवमुख्यप्राणलिङ्गादिति चेत् तद्व्याख्यातम् ॐ ॥ 18-124 ॥

ॐ अन्यार्थं तु जैमिनिः प्रश्नव्याख्यानाभ्यामपि चैवमेके ॐ ॥ 19-125 ॥

ॐ वाक्यान्वयात् ॐ ॥ 20-126 ॥

ॐ प्रतिज्ञासिद्धेर्लिङ्गमाश्मरथ्यः ॐ ॥ 21-127 ॥

ॐ उत्क्रमिष्यत एवम्भावादित्यौडुलोमिः ॐ ॥ 22-128 ॥

ॐ अवस्थितेरिति काशकृत्स्नः ॐ ॥ 23-129 ॥

प्रकृत्यधिकरणम्

ॐ प्रकृतिश्च प्रतिज्ञादृष्टान्तानुपरोधात् ॐ ॥ 24-130 ॥

ॐ अभिध्योपदेशाच्च ॐ ॥ 25-131 ॥

ॐ साक्षाच्चोभयाम्नानात् ॐ ॥ 26-132 ॥

ॐ आत्मकृतेः परिणामात् ॐ ॥ 27-133 ॥

ॐ योनिश्च हि गीयते ॐ ॥ 28-134 ॥

सर्वेव्याख्याताधिकरणम्

ॐ एतेन सर्वे व्याख्याता व्याख्याताः ॐ ॥ 29-135 ॥