Chandrashekars: Imported from pramati-sarvamoola XML (grantha.io importer v3)

2026-04-15T11:10:24Z

Imported from pramati-sarvamoola XML (grantha.io importer v3)

New page

= कथालक्षणटीका =
__NOTOC__
<div class="gr-page-nav">[[Kathalakshana|Kathalakshana]]</div>

<div class="shloka-block">
<span class="shloka-line">कथाऽन्येषामपि सतां वादो वा समितेः शुभा । ख्यात्याद्यर्थं स्पर्धया वा सतां जल्प इतीर्यते ॥3॥</span>
</div>

{{Teeka
| verse_id = KL_C01_V03
| id = KL_C01_V03_KathalakshanaTika
| name = KathalakshanaTika
| label = कथालक्षणटीका
| text =
प्रवक्ष्यामि कथालक्षणमिति प्रतिज्ञातं निरूपयितुमाह– <span class="gr-prateeka">वादो जल्पो वितण्डेति ॥</span> वादादीनां लक्षणं निरूपयति– <span class="gr-prateeka">तत्वनिर्णयमित्यादिना ॥</span> केवलं तत्वनिर्णयं गुरुशिष्ययोरन्येषां वा सतां परस्परं पक्षप्रतिपक्षपरिग्रहेण समिता मनोहरा कथाऽसौ वाद इत्युच्यते । सत्सिद्धान्तं उत्सादयितुं यत्रासतः स्वपक्षसाधनं कुर्युस्तत्रासत्सु तत्वस्याकथनीयत्वात् स्वपक्षसाधनमकृत्वा सन्तस्तत्पक्षदूषणमेव कुर्युः , सेयं स्वपक्षस्थापनरहिता परपक्षदूषणरूपा कथा वितण्डेत्यर्थः । वादे तु प्रतिवादिना सहैव तत्वं निर्णेतव्यमिति नियमो नास्ति ॥ 1-3॥
}}

<div class="shloka-block">
<span class="shloka-line">वितण्डा तु सतामन्यैस्तत्त्वमेषु निगूहितम् । स्वयं वा प्राश्निकैर्वादे चिन्तयेत् तत्त्वनिर्णयम् ॥4॥</span>
</div>

{{Teeka
| verse_id = KL_C01_V04
| id = KL_C01_V04_KathalakshanaTika
| name = KathalakshanaTika
| label = कथालक्षणटीका
| text =
प्रतिवाद्यसामर्थ्ये प्राश्निकैः सहापि निर्णेतुं शक्यत्वादित्याह– <span class="gr-prateeka">स्वयं वेति ॥</span>
}}

<div class="shloka-block">
<span class="shloka-line">रागद्वेषविहीनास्तु सर्वविद्याविशारदाः । प्राश्निका इति सम्प्रोक्ता विषमा एक एव वा ॥5॥</span>
</div>

{{Teeka
| verse_id = KL_C01_V05
| id = KL_C01_V05_KathalakshanaTika
| name = KathalakshanaTika
| label = कथालक्षणटीका
| text =
प्राश्निकलक्षणमाह– <span class="gr-prateeka">रागद्वेषविहीना इत्यादिना ॥</span> विषमसङ्ख्याका विषमा उच्यन्ते । सद्गुणानां समीचीनगुणवतां सर्वेषां चेतनानां विष्णुभक्तिरेव स्वलक्षणमव्यभिचरितलक्षणम् । विष्णुभक्त्यभावे सज्जना एव न सम्भवन्ति । अतो विष्णुभक्तिपरा एव प्राश्निका भाव्या इत्यर्थः ॥
}}

<div class="shloka-block">
<span class="shloka-line">पृष्टेनागम एवादौ वक्तव्यः साध्यसिद्धये । नैषा तर्केणापनेया मतिरित्याह हि श्रुतिः । अन्यार्थ एवागमस्य वक्तव्यः प्रतिवादिना ॥8॥</span>
</div>

{{Teeka
| verse_id = KL_C01_V08
| id = KL_C01_V08_KathalakshanaTika
| name = KathalakshanaTika
| label = कथालक्षणटीका
| text =
चिन्तयेत्तत्वनिर्णयम् इत्युक्तम् । तच्चिन्ताप्रकारमाह– <span class="gr-prateeka">पृष्टेनेत्यादिना ॥</span> प्रतिवादिना पृष्टेन वादिनेत्यर्थः । ‘नैषा तर्केण मतिरापनेया’ इति श्रुतेः परतत्वसिद्ध्यर्थमादावागम एव प्रयोक्तव्यः । गमानुगृहीतानुमानस्य प्रबलत्वेन प्रत्यनुमानासम्भवात् । आगमानन्तरमनुमानमपि प्रयोक्तुं शक्यते । प्रयुक्तस्यान्यार्थ एव प्रतिवादिना वक्तव्यः । न प्रत्यनुमानम् दुर्बलत्वादित्यर्थः ।
}}

<div class="shloka-block">
<span class="shloka-line">अनुकूला य एतेषां ते च प्रोक्तास्सदागमाः । अन्ये दुरागमा नाम तैर्न साध्यं हि साध्यते ॥10॥</span>
</div>

{{Teeka
| verse_id = KL_C01_V10
| id = KL_C01_V10_KathalakshanaTika
| name = KathalakshanaTika
| label = कथालक्षणटीका
| text =
आगमशब्दार्थमाह– <span class="gr-prateeka">ऋग्यजुः इत्यादिना ॥</span>
}}

<div class="shloka-block">
<span class="shloka-line">वाद्यागमार्थे निर्णीत आगमार्थः परस्य तु । निर्णेयः सहितैः पश्चात्ततो निश्शेषनिर्णयः ॥13॥</span>
</div>

{{Teeka
| verse_id = KL_C01_V13
| id = KL_C01_V13_KathalakshanaTika
| name = KathalakshanaTika
| label = कथालक्षणटीका
| text =
वादिप्रयुक्तागमस्य योऽन्यार्थः उक्तः तस्मिन्नागमोऽन्यो वक्तव्यः प्रतिवादिना । प्रतिवाद्युक्तागमस्यान्यार्थतां वादिनां स्वपक्षसिद्ध्यर्थं साधयित्वा स्वागमस्यान्यार्थता निश्चयेन निराकार्या उपपत्तिबलात् । एवमुपक्रमोपसंहारादिभिः स्वागमं निर्णीय तथैव परप्रयुक्तागमोऽपि यदा निर्णीयते स्वपक्षानुसारेण तदा निश्शेषनिर्णयो भवतीत्याह <span class="gr-prateeka">स्वपक्ष इत्यादिना ॥</span>
}}

<div class="shloka-block">
<span class="shloka-line">प्रत्यक्षसिद्धेष्वर्थेषु प्रश्ने मामक्षजं वदेत् । ज्ञानं वा ज्ञानसिद्धेषु नानुमां प्रथमं वदेत् ॥14॥</span>
</div>

{{Teeka
| verse_id = KL_C01_V14
| id = KL_C01_V14_KathalakshanaTika
| name = KathalakshanaTika
| label = कथालक्षणटीका
| text =
एवमागमैकवेद्यत्वचिन्तां निर्वर्त्य प्रत्यक्षादिसिद्धार्थनिर्णयचिन्तां निर्वर्तयति–<span class="gr-prateeka">प्रत्यक्षसिद्धेष्विति ॥</span> घटादिसद्भावप्रत्यक्षेण प्रतिपादयेत् । सुखदुः खादिसद्भावमनुभवेन प्रतिपादयेत् । तद्दार्ढ्यायानन्तरमनुमानादिकमपि प्रयुञ्ज्यात् प्रतिवादिनं प्रतिवादीत्यर्थः ।
}}

<div class="shloka-block">
<span class="shloka-line">परतुष्टिकरं वाक्यं वदेतां यदि वादिनी । स एवात्रागमो ज्ञेयः परतुष्टिर्हि तत्फलम् ॥15॥</span>
</div>

{{Teeka
| verse_id = KL_C01_V15
| id = KL_C01_V15_KathalakshanaTika
| name = KathalakshanaTika
| label = कथालक्षणटीका
| text =
तत्वविषये यदागमवाक्यं वादी वा प्रतिवादी वा वदेत् तत्सतां तुष्टिकरमेव तावुभौ वदेतामित्याह <span class="gr-prateeka">परतुष्टिकरमिति ॥</span>
}}

<div class="shloka-block">
<span class="shloka-line">एवं निर्णयपर्यन्तं वादे सुबहवोऽपि हि । घटेयुश्चिरकालं च जल्पे यावत्परो जितः ॥16॥</span>
</div>

{{Teeka
| verse_id = KL_C01_V16
| id = KL_C01_V16_KathalakshanaTika
| name = KathalakshanaTika
| label = कथालक्षणटीका
| text =
एवंविधवादकथायां एक एव वादी एक एव प्रतिवादीत्यपि नियमो नास्ति । बहवो वादिनो बहवः प्रतिवादिनो बहुतराश्च प्राश्निकाः सभ्यादयश्चिरकालं वा तत्वनिर्णयपर्यन्तं प्रयतेरन् । तत्वनिर्णयावसानत्वाद्वादस्य । जल्पस्तु वादिप्रतिवादिपक्षिणोरन्यतरपराजयमाह– <span class="gr-prateeka">एवं निर्णयपर्यन्तमिति ॥</span>
}}

<div class="shloka-block">
<span class="shloka-line">तत्त्वनिर्णयवैलोम्यं वादे साक्षात्पराजयः । संवादे श्लाघ्यतैव स्याद् गुरुत्वमितरस्य च ॥17॥</span>
</div>

{{Teeka
| verse_id = KL_C01_V17
| id = KL_C01_V17_KathalakshanaTika
| name = KathalakshanaTika
| label = कथालक्षणटीका
| text =
तत्वनिर्णयानुपयुक्ताग्रहेण वादे साक्षात्प्रतिपक्षिपराजयः न तु न्यूनोक्त्यधिकोक्त्यादिदूषणेन । तत्र सभ्यैः प्रतिपक्षी पराजित इत्युक्ते यद्यसौ संवादं करोति तर्हि श्लाघ्यो भवेत् । न दण्ड्यः । संवादाकरणे निन्द्यो वा यथायोग्यं दण्ड्यो वा भवेत् । तदेतदाह <span class="gr-prateeka">तत्वनिर्णयवैलोम्यमित्यादिना ॥</span>
}}

<div class="shloka-block">
<span class="shloka-line">पराजितत्वमात्रं स्यान्निन्द्यो दण्ड्योऽपि वाऽन्यथा । अनुवादादिराहित्यं नैव जल्पेऽपि दूषणम् ॥20॥</span>
</div>

{{Teeka
| verse_id = KL_C01_V20
| id = KL_C01_V20_KathalakshanaTika
| name = KathalakshanaTika
| label = कथालक्षणटीका
| text =
वाद्युक्तस्य प्रतिवादिनं प्रति प्राश्निकैरनुवादः कर्तव्य इति वादजल्पयोः नियमो नास्ति । अननुवादेऽपि दूषणाभावात् । अनुवादाभावेऽपि वादिप्रतिवादिभ्या मेव जल्पकथायाः कर्तुं शक्यत्वादित्याह– <span class="gr-prateeka">अनुवादेति ॥</span>
}}

<div class="shloka-block">
<span class="shloka-line">विद्याहीनत्वलिङ्गेऽपि वादिनोः स्यात् पराजयः । तदभावान्नैव षट्कादन्यो निग्रह इष्यते ॥21॥</span>
</div>

{{Teeka
| verse_id = KL_C01_V21
| id = KL_C01_V21_KathalakshanaTika
| name = KathalakshanaTika
| label = कथालक्षणटीका
| text =
विरोधासङ्गतिन्यूनोक्त्यादिदूषणमिव विद्याहीनत्वलिङ्गमपि वादिनः प्रतिवादिपराजयनिमित्तं भवति । जल्पवितण्डाप्रवृत्तिच्छेदः । न हि हीनविद्यस्याधिकविद्येन जल्पो वा वितण्डा वा युज्यते । समानविद्ययोरेव तदर्हत्वादित्याह– <span class="gr-prateeka">विद्याहीनत्वलिङ्गेऽपीति ॥</span> यत्पराजयनिमित्तनिग्रहस्थानं तद्विरोधासङ्गतिन्यूनाधिकसंवादानुक्त्याख्यषट्कमेव । साध्याविशिष्टत्वादिनिग्रहस्थानानां विरोधादिषु अन्तर्भावादनन्तर्भूतनिग्रहस्थानाभावादित्याह–<span class="gr-prateeka">तदभावादिति ॥</span>
}}

<div class="shloka-block">
<span class="shloka-line">अन्तर्भावादिहान्येषां निग्रहाणामिति स्म ह । विद्यापरीक्षापूर्वैव वृत्तिर्जल्पवितण्डयोः ॥22॥</span>
</div>

{{Teeka
| verse_id = KL_C01_V22
| id = KL_C01_V22_KathalakshanaTika
| name = KathalakshanaTika
| label = कथालक्षणटीका
| text =
यद्विद्याहीनत्वं तद्वादिप्रतिवादिविद्यापरीक्षाकाले प्राश्निकैरेव मन्तव्यम् । न तु वादिना प्रतिवादिना वा उद्भाव्यम् । अतो न तन्निगृहस्थानान्तरमित्याशयवानाह–<span class="gr-prateeka">विद्यापरीक्षापूर्वैव वृत्तिर्जल्पवितण्डयोरिति ॥</span> यद्यप्यत्र जल्पवितण्डयोः न्यूनोक्त्याधिकोक्त्यादिदूषणं पराजयनिमित्तमुक्तं तदौत्सर्गिकं ज्ञातव्यम् ।
}}

<div class="shloka-block">
<span class="shloka-line">स्खलितात्वादिमात्रेण न तत्रापि पराजयः । वादजल्पवितण्डानामिति शुद्धं स्वलक्षणम् ॥23॥</span>
</div>

{{Teeka
| verse_id = KL_C01_V23
| id = KL_C01_V23_KathalakshanaTika
| name = KathalakshanaTika
| label = कथालक्षणटीका
| text =
क्वचिदपवादोऽस्तीत्याह– <span class="gr-prateeka">स्खलितत्वादिमात्रेण न तत्रापि पराजय इति ॥</span> न्यूनोक्त्यनन्तरमेवाधिकोक्तौ न न्यूनोक्त्यादिना पराजयो भवतीत्यर्थः । एवं जल्पवितण्डालक्षणं शोधितमित्युपसंहरति– <span class="gr-prateeka">वादजल्पवितण्डानामिति ॥</span>
}}

<div class="shloka-block">
<span class="shloka-line">सदोदितामितज्ञानपूरवारितहृत्तमाः । नरसिंहः प्रियतमः प्रीयतां पुरुषोत्तमः ॥25॥</span>
</div>

{{Teeka
| verse_id = KL_C01_V25
| id = KL_C01_V25_KathalakshanaTika
| name = KathalakshanaTika
| label = कथालक्षणटीका
| text =
वादजल्पवितण्डाभिः भगवत्प्रतिपक्षनिरासाद्भगवत्पक्षस्थापनात् कथालक्षणकथनेन भगवत्प्रीतिः भवतीत्याह <span class="gr-prateeka">आनन्दतीर्थमुनिनेति ॥</span>
}}

[[Category:Vyakhya]]
[[Category:Kathalakshana]]

Kathalakshana/Vyakhya/KathalakshanaTika - Revision history

Chandrashekars: Imported from pramati-sarvamoola XML (grantha.io importer v3)